سكن للطالبات حصرا ؟ فلماذا يا ترى؟؟

July 1st, 2010, 06:07 PM


	السلام عليكم ورحمة الله وبركاته .. كيفكون شباب وصبايا المنتدى .. وطبعا الادارة الكريمة والمشرفين الحلوين .. وانتهاء بجمهور هاد الصرح العظيم يللي هنن مشاهدينا وزومار منتدانا ومنتداهن الغوالي .. حبيت انو هيك نحكي شوي على الشريع بشي صار معي او يمكن يصير مع اي انسان عادي بيكون ما شي بالشارع وبصير معو اكتر من شغلة او اكتر من حدث بغض النظر عن ما هية هاد الحث .. بالبيت بالشارع بالعمل .. الخ .. وين ما كان .. يعني مثلا .. اللي صار .. كنت ماشي حد الجامعة والله وهبهاد اليوم شفت اكتر من كل يوم اعلانات وملصقات .. طبعا هي الاعلانات بتكون كتيرة والمتاجرين فيها اكتر .. يا ترى شو بتحتوي هي الاعلانات .. يعني .. بعد انتهاء الدراسة وبدء الامتحانات المقررة على الطلاب .. ببلش اطلاق رصاصات الجشع وقللة النخوة .. كمان الذئاب بتكشر عن انيابها بهاد الوئت ولكن بطريقة شرعية .. يعني .. بللف وبدور حول القانون .. وبيعمل يللي بدو ياه وهو عم يحتمي بتار النظام دون اي مخالفات .. يعني .. صدف وشفت اكتر من 40 اعلان وبدون مبالغة بأقل من 10 امتار كنت ماشيهون حول الحرم الجامعي الخارجي .. وللأسف هاد الاعلان ما بيحتوي الا لثلاث كلمات لا غير .. وطبعا هيك كان المكتوب .. (( سكن للطالبات بأجور رمزية )) طبعا وبينهي كلامو بإفادة انو السكن قريب من الجامعة والمواصلات مؤمنة .. يعني بيغري الطالبات دون ما يحسوا على حاهون انو عم ينزلوا بفخ مليئ بلأشواك من تحت ومن فوق مغطى بأرقى انواع الورود .. طيب .. سؤال .. انا ليش ما شفت ولا اعلان بيحوي سكن للطلاب الذكور .. ليش حصرا للبنات.. بالمقابل .. وطبعا كمان الصبايا مننو اغبياء لدرجة انو ما يفكروا بهاد الشي من هي الناحية .. بس احيانا حسن النية بحط الشخص بمشاكل كبيرة دون ما يحس وكلو طبعا عن طيبة القلب وحسن النية .. هي الاشكال هية يللي عم بتشوه صورتنا قدام الشعوب الغربية .. ومن هون ببلش التخبيص لانو عم يدخلوا مباشرة على جيل الشباب يللي هو اساس اي مجتمع بدو يرتقو بحو الافضل والاحسن بكل مقاييس الحياة وبكافة المجالات .. ومشان هيك هيك الذئاب عرفت وين تضرب على الوتر الحساس .. تعلموا كيف يحتالوا على القانون يللي بيحمي الاشخاص من هيك ناس .. واحتالوا عليه بطريقة شرعية وغير مخالفة للنظام .. عرفوا وين وامتى وكيف يضربوا على حجر الاساس لهدا المجتمع .. وبأي بيئة .. دخلوا على بيئة الجامعات والمعاهد والطلاب . فاتوا على الاشخاص يللي عم يطلبوا العلم .. (( مع انو حكينا كتير وبموضيع سابقة وبقلمي انا شخصيا عن عدة امور مو زابط بالنسبة لمقاعد الدراسة بالجامعات .. )) ومه هيك بضل في شي من الخير او الامل لانو اذا خليت خربت .. بنرجع لموضوعنا .. ويحي انو بس زكر رفئاتي بكافة انحاء الوطن العربي بهاد الشي .. طبعا انا عم احكي من بيئة دمشق من سوريا .. وبعتقد انو متل ما في هون عنا هيك اشكال يمكن يكون في بغير دول عربية .. وهاد الشي وشغلة السكن وخصوصا للطالبات وبأجور رمزية .. وتاكيد تاجير المساكن للبنات وبعدهم عن طلب الجنس الخشن عن هيك مسائل اكيد بدو يكون في شي من عدة عوامل بتنجمع بهيك شغلة .. مثلا .. المجتمعات الغربية رح نلاقي انو اجتماع الجنسين وبغرفة واحدة او بمسكن واحد شي طبيعي او حتى اقلا من عادي .. ولكن هون عنا بالمجتمع العربي ممنوع منعا باتا .. لانو بنعرف شو اعرضوا .. وبنعرف شو سلبياتو وشو رح يصير ..هههه يمكن انو نلاقي البنت طالعة من السكن الجامعي (( بالبيئة الغربية الاوربية )) وبإيدها ابنها ماشي حدا .. هههه ممكن ليش لا .. لانو ما في لا ؤقابة ولا حس بالمسؤولية .. وكمان والاهم لانو ما في اخلاق وقللة الدين .. بس هاد الشي بكلامي ما بيعني انو كل من سكن من كلا الجنسين بحد بعض يصير في شي .. ولو حتى كان هاد الحكي بأوربا لانو دائما وابدا بنضل نحلم انو نوصل لشيء بسيط من يللي وصللوا الشعوب الغربية .. ولكن مو بكل الاختصاصات ولا بكل النواحي والمجالات .. ولكن بشكل عام ؟؟ ومع هيك بس بحب انو شوف شو رأي الشباب بهاد الشي .. وبحب انو ركز على الاشخاص يللي مقيمين خارج الوطن العربي .. يعني بالدول الغربية .. ويعطونا انطباع عن يللي عم بصير هونيك بالنسبة للسكن خصوصا .. وكمان بحب استقبل رأي الشباب والصبايا بشكل عام .. ما رح طول ورح اترككون انتوا تناقشوني بهاد الشي .. ايجابيات .. سلبيات .ز وشو هي المبررات لمتل هيك اشياء .. وطبعا ما رح تنسوا شو هية الاهداف .. وبلأخير انا بحب انو اعتذر يمكن لانو ما كتبت كل يللي بقلبي وكتير في اشياء لازم شوف شو رأي شبابنا فيها... ولكن اسف لضيق الوقت .. بس الايام جاية ..... وعلى كل حال حابب انو انتوا تفتحوا الموضوع وتوسعوه وتناقشوا حالكون وبين بعضكون .. او حتى يمكن ما تضطروا انو تكتبوا .. المهم الهدف يوصل بالنسبة الي ويلي هو انو تكونوا عم تستفيدوا منو على ارض الواقع ونعمل اشياء ما عملناها بحياتنا وكمان ما بدي طول بشوفكون بخير .. تقبلوا اجمل تحية مني انا سيمو

July 10th, 2010, 04:58 AM

السلام عليكم ورحمة الله وبركاته

سيدي الكريم سيمو المحترم

انا قريت هالموضوع وما فهمت شو مقصدك شو يلي عم يصير

اعلانات عم تنشر انو بيوت للاجار باسعار رمزية

طيب اوك وين المشكلة من هالشي

يعني انو انت بدك تئول انو عم يستغلو هالشي وبطلع شي مشترك

طيب ما هو الواحد قبل ما يستاجر عم يروح ويشوف هالمكان عجبو بقي ما عجبو بمشي

وبتمنى توضحلنا فكرتك بالنسبة للموضوع عشان ارد عليك بالمرة القادمة

مودتي لك

July 14th, 2010, 05:38 PM

ممممم
اولا مودتي لك صديقي الكريم على المرور الكريم ..
بس ممم
ما بعتقد انو الموضوع معقد لدرجة انو حضرتك ما تفهموا ..

يعني ..
اللي عم بصير انو وبكل اختصار ..
انو التركيز على الجنس اللطيف بشتى مجالات الحياة ..
ومنها انا تطرقت للبيت واستئجار البيوت ..
بمعنى اخر ..
انو التركيز عم بكون للبنات ددون الشباب ..
وطبعا انا سمعت ناس من يللي بأجروا البيوت حصرا للصبايا دون الشباب وهاد الشي طبعا لأسباب وشهوات جنسية خاااااااااصة جدا ..
وطبعا هاد كلو تحت القانون يعني بيعملوا عملتهن وما حدن بقللهن وين رايحين ليش لانو عم يشتغلوا بطريقة غير مباشرة بس مشروعة ..
وهاد كان موضوعي ..
وانا حكيت يللي صار معي ويللي لفت انتباهي ..
لانو حاسس انو صارت موضة وتجارة لستئجار الفتيات بأسعار زهيدة جدا وطبعا طلو عم يروح براس البنت يللي بدها تسلك هاد الطريق بأقل خسائر وخصوصا وئت يكون الموضوع متعلق بمستقبلها ..

يعني
دراستها مرتبطة بمكان اقمتها ..
وفهمك كفاية ..
مشككور على المرور مرى تانية ..

فـــ

تقبل اجمل تحية مني انا

سيمو

July 30th, 2010, 09:47 PM

سيمو كالعاده متميز وانا من المعجبين بقلمك لانو بتطرح مواضيع ابدا من ئلب المجتمع ..

كبدايه مستحيل نقدر نقارن اوروبا بدولنا العربيه لانو فرق من السما للارض ..

كوني انا بكندا وعشت هل اجواء بما انو كنت بتردد على الجامعه والكليه فعندي خلفيه عن هل امور ..

هون الامور كتير عاديه من ناحيه السكن لان المجتمع اصلا مفتوح وسواء باعلانات ولا بلا اعلانات .. بوي فريند وقيرل فرند دائما الصبيه والشب سوا وبغرفه وحده سواء بأعلان ولا بلا اعلان وسواء بزواج ولا بلا زواج ..

الامور عاديه وطبيعيه هون ما حدن بيطلع بهل امور او بيحكي فيها لانو جدا عاديه ..يعني خلونا نضل بمجتمعنا الشرقي ..

بالنسبه لمجتمعنا الشرقي دائما التركيز على الجنس اللطيف لان كل شي بلا جنس لطيف ما رح يمشي حالو لهل سبب منلائي بكل شي لازم اسم الجنس اللطيف ينزل كدعايه لينجح الامر يلي عم يسوقو لئلو .. خلينا نطرق شوي لقصه السكن متل ما فيه شباب حاطه هل اعلانات وعندها غايه معينه من الصبيه وهي الشهوه الجنسيه بنفس الوقت في صبايا ما عندا اشكال وبتدور على هل شي تدوير ..

يعني باختصار هل صبيه عم بتروح وبتشوف بعينها السكن والمكان وكل شي .. اذا المكان كان بيوحي للشكوك والبنت اصلا رايده هل شي بتستأجر وبتقبل .. واذا كانت الصبيه ادميه وما ئلها بهل شغلات وشافت المكان وعرفت شو فيه وراه بتحمل حالها وبتروح وما بتستأجر ..

وبالنهايه الانسان يلي تفكيرو عاطل رح يلاقي
الناس يلي متلو رح يلفو عليه وكل مين حسب نيتو وشو بدو بدور وبلاقي ..

هيدا مجتمعنا هيك يلي بميزو عن بائي المجتمعات انو كل شي من تحت الطاوله هههه

بين هلالين "مجتمعنا الشرقي" يلي الكل بشوف حالو فيه ونحنا الاحسن ونحنا الافضل ونحنا ونحنا وما خفي اعظم ..

لهيك كل مين على مجتمعو الله يعينو ^_^

اعذرو بوحي

سيمو بحب دائما شوف قلمك بين اركان هل صرح وانا من المتابعين لمواضيعك

اسعدني التواجد

كون بخير سجل لمشاهدة الصور

August 11th, 2010, 04:04 PM

ههههه
اولا كبداية مشكورة صديقتي سادو على مرورك اللطيف ..
ابتسمت بالبداية وبعدين ضحكت من قلبي
على ئولك
كل من على مجتمعوا الله يعينوا ..
ههه
........

تماما وانا كمان بوافق بكلامك
لانو اي شيء قابل للترويج رح يكون اول الدعايات متعلقة بالجنس اللطيف ..
حتى السكن يا حرام ما سلم من هالقصص ..
هاد بيعني انو ..
كل شي عننا وكل شغلنا وكل شي كل شي متعلق بالجنس اللطيف ..
او بلأحرى الجنس بدون كلة اللطيف ..
هههه
وطبعا انا مني مستغرب من اللي صار وعم بصير ويللي بندعي انو ما يضل ..
لانو عن جد العالم وصلوا على القمر ونحنا لسا .... هههه ابصر وين ..
على كل حال ...
بقولوا
الطبع غلب التطبع ..
بلكي هيك الله خلئ الشعب العربي بحب الحب وممارسته هههه
...........
مرة تانية ساد صديقتي بشكرك على توضيحك وابداء رائك المهم بالنسبة الي ..
وخصوصا بالموضيع يللي بقارن فيها بيننا وبين الشعوب الغربية ...
لانو انتي اكتر الناس يللي بتعطينا الفرق الصح وبدون اي تحرف بكافة الامور يللي بنقارها بيننا كشعب عربي وبين الشعوب الغربية ..
من دراسة او علم او مجتمع او عمل او حب او امل او .. او .. او .. الخ
وطبعا هاد كلو بحكم معيشتك باوربا ..
ويعني ...
ما بنقول الا ..
تعود على الله ...

فــ

تقبلوا اجمل تحية مني انا

سيمو

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الإهداءات

سكن للطالبات حصرا ؟ فلماذا يا ترى؟؟

°o.O منتدى الحوارات الجاده O.o°